Өмнөговийн шүүхийнхэн Д.Бадраа, Х.Нэхийт нартаа албан тушаалыг түдгэлзүүлэх болон таслан сэргийлэх арга хэмжээ авахгүй нэг хэсэг болсон. "Нүүрсний" сонсголын нэг гэрч, бас яллагдагч Г.Шүрэнхишигийнхээ хэргийг цагаатгаж шийдвэрлэсэн гээд тоочих юм бол хуульгүй гэмээр байгаа зүйл олон л доо.
Б.Энхбаяр цааш нь "Нүүрсний хулгайтай холбоотой сонсголоор олон зүйл илчилж байна. Тухайлбал, Өмнөговь аймаг Монгол Улсын хууль үйлчилдэггүй, Үндсэн хууль үйлчилдэггүй тусдаа улс болжээ. Учир нь нэр нь Монгол, цаанаа нь дандаа гадаадын хөрөнгө оруулалттай гэсэн хувь хүн, хуулийн этгээдүүд Монголын газрыг авсан гэмт хэргийн шинжтэй асуудал тодорхой боллоо. Энэ бол Монгол Улсын Үндсэн хууль зөрчсөн асуудал. Гэтэл хажууд сууж байгаа гишүүн “Энэ газрын асуудлыг ярьж яах гэж байгаа юм, нүүрсээ л ярья” гэх юм. Нүүрсний тээвэр, терминал гэсэн зориулалтаар Цагаан хадны орчмын газрыг яаж, хэнд зарсан бэ гэдэг асуудал яригдаад байна. Өмнөговь аймаг улсаасаа бүрэн гарсан, өнгө мөнгө бүх зүйлээ худалдсан, хууль, шүүх үйлчилдэггүй газар болсны нотолгоо өнөөдөр харагдаж байна. Тиймээс энэ асуудлыг нэн даруй зогсоож, арга хэмжээ авах ёстой” гэснийг хууль сахиулах чиг үүрэгтэй байгууллагууд анхааралдаа авч байгаа биз ээ.

Иргэний пост