АТГ-аас өчигдөр нүүрсний хулгайд оролцсон 17 албан тушаалтны нэрийг зарласан. Энэ нэрсийн дунд УИХ-ын долоон гишүүний нэр орсон. УИХ-ын гишүүн Ц.Сэргэлэн, Б.Баттөмөр, Ш.Раднаасэд, Наранбаатар, Анандбазар нар өнөөдөр АТГ-ын гадаа мэдээлэл хийлээ.
УИХ-ын гишүүн Ц.Анандбазар: "Бид тав нүүрсний хулгайтай холбоогүй. Энэ гүтгэлгийг няцааж, ард түмэнтэйгээ нэгдэн нүүрсний жинхэнэ хулгайчийг олно.
Ядарсан иргэдийн ипотекийн зээлийг нүүрсний хулгайчдын мөнгөөр төлүүлэх хуулийн төсөл өргөн барина.
Унтаж байгаа баавгайг сэрээх нь үүрээ эвдүүлэх аюултай. Бид хулгай хийдэг хүн биш ард түмэнтэйгээ нэгдэж жинхэнэ хулгайчдыг илрүүлнэ" гэв.
