“Ойн сан бүхий газарт 17,633 нэгж талбар бүртгэлтэй судалгаа гарсан. Цаашид газар олголтыг бүрэн хориглох, хоёр жил ашиглаагүй газрыг хуулийн дагуу эзэмших эрхийг цуцлах, орц, гарц болон газрын маргаантай асуудлыг шийдвэрлэх, газрын үнэлгээний бүсчлэлд өөрчлөлт оруулахаар төлөвлөн ажиллаж байна.
Мөн дүүргүүдийн газар олголтод хяналт шалгалтыг эхлүүллээ” хэмээн Нийслэлийн Газар зохион байгуулалтын албаны дарга Г.Батзориг мэдээллээ.
Замбараагүй газар олголт, газар ашиглалтаас хамааралтай хөрс, ус, орчны бохирдолд ихээхэн нөлөөлж байгааг Улаанбаатар хотын удирдлагууд хэлж байв.
