Энэ арванэгдүгээр сарын 04-ний өдөр /2022.11.04/ Д овогтой Б гэх 16 настай охин гэрээсээ хог хаяхаар гараад сураггүй алга болсон хэрэг гарсан.
Түүнийг арваннэгдүгээр сарын 18-ны өдөр Цагдаагийн байгууллагаас “Дархан-Уул аймгаас алга болсон охин хамаарал бүхий этгээдтэй хамт самарт явсан байсан нь тогтоогдсон, охин олдсон” гэж мэдээлсэн билээ. Гэвч охины ар гэрийнхний зүгээс цагдаагийн мэдээг үгүйсгэж “Охин одоо хүртэл гэртээ ирээгүй, амьд байгаа эсэхийг нь бид мэдэхгүй байна. Алга болоод 16 хонож байна. Цагдаагийн байгууллага бидэнд тодорхой мэдээлэл өгөхгүй байгаа” гэх тайлбарыг хэвлэлд өгсөн байгаа юм.
Энэ талаар ЦЕГ-аас, “Охины байршлыг баттай эх сурвалжаар тогтоосон нь үнэн. Цагдаагийн байгууллагаас эрэн хайх ажиллагаа тасралтгүй үргэлжлүүлж байна. Байгаль цаг агаарын нөхцөлөөс болж буулгах ажил удаашралтай байна” гэв.
Их хэмжээний цас орсонтой холбоотойгоор удааширсан ажээ.
