Засгийн газрын ээлжит хуралдаанаас гаргасан шийдвэрийг ЦХХХ-ны сайд Н.Учрал, Эдийн засгийн сайд Ч.Хүрэлбаатар нар танилцууллаа.
ЦХХХ-ны сайд Н.Учрал "Засгийн газраас хэрэгжүүлж буй 5Ш ажиллагааны хүрээнд "Шилэн" ажиллагаа буюу shilen.gov.mn сайтыг ажиллуулж байна.
Шилэн ажиллагааг идэвхжүүлэх үүднээс Ерөнхий сайд БОАЖ-ын сайд, БХБ-ын сайд, ЗГХЭГ-ын дарга Д.Амарбаясгалан, зарим агентлагийн дарга, аймгийн удирдлагуудад даалгавар өгсөн байгаа.
Хэрвээ албан даалгаврыг хэрэгжүүлээгүй бол хариуцлага тооцохыг үүрэгдсэн. Нийтийн мэдээллийн ил тод байдлын хуулийг хэрэгжүүлээгүй байгууллагууд ирэх зургаадугаар сарын 1-нээс өмнө мэдээллээ ирүүлэх ёстой.
Заасан хугацаанд амжиж мэдээллээ ирүүлээгүй бол тухайн төрийн албан хаагчийг АТГ-т шилжүүлнэ.
Ирэх долоо хоногт Засгийн газрын тусгай сангуудтай холбогдуулаад Хөдөө аж ахуйн санг олон нийтэд нээлттэй болгоно" гэлээ.
